Interlingua in uso

Mi sitos

linguainterlingua — Tue, 19 Jun 2007 14:19:55 +0000

Visita, con placer, mi sitos in le rete:

http://goto.glocalnet.net/alguseia/ con multe breve contos re Svedia

http://goto.glocalnet.net/interlingua/ que explica interlingua, grammar e vocabulario

Benvenite

Le valor human

linguainterlingua — Tue, 19 Jun 2007 12:49:54 +0000

Il es horribile que le valor de un homine depende del pais e del circumstancias.

Hodie io lege in le journal que un parve puera in Texas, SUA, ha morite in un fluxo e le

lucto es naturalmente grande.

In le mesme tempore io lege in le mesme journal que un dozena de infantes ha essite occidite in Afganistan in un operation american e in Bagdad infantes ha perdite su vita in un explosion e in Gaza- non il suffice.

Ma in iste notizias le decesso del infantes non es justemente plus de un notizia. Le matres in Afganistan,in Bagdad e in Gaza- esque on pensa que illes non es in lucto?

Cata infante debe haber derecto a un vita e a un juventute secur in despecto del pais e del guerra. Il es horribile , iste mundo!

linguainterlingua — Thu, 07 Jun 2007 10:03:04 +0000

linguainterlingua — Thu, 07 Jun 2007 10:01:32 +0000

Un nove bon matino

quando le flores me gaude ma le calor me face suffrer. Le temperatura es plus de 25

grados Celcius e il es riscose de se exponer al sol.

Nunc nos comprende que le premonition de un nove climate es seriose.

Un bon matino

linguainterlingua — Wed, 23 May 2007 05:50:01 +0000

Le sol brillava per le fenestra e me eveliava de bon hora. Le infantes del aves in mi camino esseva multo active e lor critos lo faceva impossibile de dormir.

Ma iste dies in le estate proxime me offere experientias agradabile. Le dies hibernal e oblidate e le verdura extravagante me place.

Hodie es le die de nascentia del botanista Carl von Linné e in Svedia on ha organisate grande festivitates. In Uppsala le rege de Svedia e le imperator de Japon participara in le festa.

Benvenite

linguainterlingua — Wed, 09 May 2007 17:00:24 +0000

Benvenite a mi sito que es scribite in interlinga, un lingua cuje origine es un latino que es sin multe flexiones. Io, qui scribe, es un homine vetule, quasi ancien, interressate de linguas, de cultura e natura, e io con placer describe mi pensatas e experientias in textos con imagines.Io usa super toto un website:

http://goto.glocalnet.net/alguseia

e io vole con placer que tu anque visitara iste sito. Un imagine del primavera in Svedia forsan pote crear un interesse pro mi website.

( Le website non ancora es complete ma accessibile in le rete.)